تم ملے ہو بھری جوانی میں

Views: 106

تم ملے ہو بھری جوانی میں
رنگ بکھرے مری کہانی میں

دل کو خالی کیا ہے دنیا سے
تجھ کو رکھا ہے زندگانی میں

رنگ سارے اتر گئے مجھ میں
تیرے رنگوں کی ترجمانی میں

تذکرے عرش پر ہیں ان کے جو
توبہ کرتے ہیں نوجوانی میں

اُن کی سیرت ہی دیکھ لی ہوتی
جن کو لائے ہو حکمرانی میں

سر جھکاتے ہیں جو غلامی میں
ان کو لاتے ہیں حکمرانی میں

شاہ پرستوں میں وہ نمایاں ہیں
جن کی شہرت ہے بد زبانی میں

مثلِ موسٰی حسن بھی ہے طالب
کب رکے گا وہ لَنْ تَرَانِیْ میں

(جنید حسن)